La translaziun automatisada rumantscha da l'interpresa svizra Textshuttle è en cumparegliaziun cun auters tals sistems anc giuvna. Perquai fa ella forsa er anc pli gugent filistuccas ch'ils auters sistems in zichel pli madirs. Exempel?
«Curafutura: Berset è anc da reparar»
Curafutura: Berset soll es noch richten
Tenor Textshuttle sto insatge betg esser en urden cun il cusseglier federal Alain Berset. Forsa smetta el gea pervia da quai quest december ses job.
Bel, ma avais vus gia ina giada udì da l'agentura da fotografias «Crap-clav»? Geabain. Keystone. Chattà tar la translaziun automatisada d'ina fotografia d'in ospital, u meglier ditg d'ina «chasa da malsauns». Betg gronds sbagls, na, ma l'IA che translatescha da e sin rumantsch sa anc dapli, numnadamain schliar il problem d'electricitad:
«Gudagnar electricitad cun unscher glatschers»
Stromgewinnen durch Gletscherschmelze
Ed era la mort n'è per Textshuttle en cumbinaziun cun DeepL nagin problem.
L'original è in recept per far ina «leventada» per Pasca.
L'EBU, la European Broadcast Union, metta a disposiziun a sias commembras sco la SRG SSR in sistem da translatar vi e nà artitgels online sco era videos ed audios. Quel sistem translatescha per regla l'entschatta l'original sin englais e da là en la lingua giavischada. Quai sent'ins mintgatant. Leventada è nundadieu era la «Auferweckung/Auferstehung», resp. la «resurrection».
Per finir?
Simplamain anc in pèr auters bels exempels:
«Il mattatsch mez»
Die Junge Mitte
«il battschigl dals quatter guauds»
das Luzerner Seebecken
«...ed igl era a Mekka durant il moviment da rempars muslim»
...c'était à la Mecque pendant le périnage musulman.
«...Basilea u en il Vallais cun glieud che discurra normalmain sia tuppadad...»
...in Vallese con gente che parla normalmente il proprio Schwiizertüüch... (sic!)
«Er en la chombra da durmir na sa dattan omadus betg bler»
Auch im Jammern geben sich beide nicht viel.
«We look forward to welcoming you to the RTL-Medienhaus»
Nus ans legrain da pudair beneventar vus en la chasa da medias RTR
«...via Linkedin ha l'ustiera Heidi Kübler, sia tgirunza diplomada HF, commentà...»
...(auf) Linkedin kommentierte die Userin Heidi Kübler, ihres Zeichens diplomierte Pflegefachfrau HF, dass...
«L'interprendider da tatgaders Elon Musk»
Tech Unternehmer Elon Musk
E la fin finala per propi propi finir:
«Do you speak Romansian?»
Sprechen sie Rätoromanisch?