Svizra - Intensivar la collavuraziun en favur da l'agricultura biologica
Nizzegiar meglier il potenzial da l'agricultura biologica e da las modas da tegnair animals adequat a lur natira. Quai è la finamira d'ina collavuraziun pli stretga tranter l'Institut da retschertga da l'agricultura biologica e la Staziun da perscrutaziun Agroscope.
Grazia a la collavuraziun pli stretga vegnia il plaz da perscrutaziun Svizra rinforzà tant naziunal sco era internaziunal, han ditg ils 2 directurs dals instituts. Plinavant vulan ils 2 instituts rinforzar la rolla da piunier da la perscrutaziun biologica svizra. Ils purs da bio svizzers chattian durant la producziun savens problems cumplex.
L'Institut da retschertga da l'agricultura biologica e la Staziun da perscrutaziun Agroscope collavuran gia dapi l'onn 1978.