En Svizra franzosa interessescha sper il clima era la politica d’Europa e dumondas da l’egualitad. En il Tessin è quai auter: Giuvnas e giuvens en il chantun en il sid da la Svizra sa fatschentan pli savens cun la migraziun ed asil che cun dumondas dal clima. Ed en Svizra tudestga dat en egl, ch’il dumber da las giuvnas e dals giuvens che s’interesseschan per la digitalisaziun e la communicaziun digitala è trais giadas uschè grond sco en il rest da la Svizra.
Differenzas datti era tranter giuvens e giuvnas. Uschia s’interesseschan ils giuvens pli fitg per la politica economica e la digitalisaziun, las giuvnas dumandadas s’occupan dentant pli savens da dumondas da la migraziun e dal clima.
Per il monitor han ins dumandà 1’470 giuvnas e giuvens en la vegliadetgna tranter 15 e 25 onns. L’enquista ha gì lieu l’october ed il november da l’onn passà.