La raschun per questa decisiun saja che la quota d’abitaziuns secundaras saja s’augmentada sin bunamain 18% en la vischnanca da la Part Sura Bernaisa. Tar ina quota da passa 20% en ina vischnanca vala la lescha d’abitaziuns secundaras.
Tenor la vischnanca dad Interlaken sajan il davos temp adina dapli abitaziuns secundaras vegnidas construidas ed era per evitar che alloschis turistics vegnan transformads en abitaziuns secundaras. Plinavant haja il boom dad abitaziuns secundaras era augmentà il pretsch per abitaziuns per indigens.
La fin finala stoppian dentant lura ils abitants s'exprimer. Quest decret vala ad interim per dus onns.
RR novitads 11:00