La plattafurma Comparis vegn da nov classifitgada sco intermediatura d'assicuranzas. Quai ha la Controlla da finanzas federala FINMA decis en ina procedura suenter ina dispita da plirs onns. Cunquai sto l'interpresa che titulescha sa sezza sco servetsch da cumapregliaziun ussa era sa registrar sco intermediatura d'assicuranzas, communitgescha la FINMA. Uschespert ch'in consument u ina consumenta giaja sin la plattafurma da Comparis per laschar far in'offerta per in'assicuranza, survegnia ina societad affiliada a Comparis – ch'è gia registrada sco intermediadra d'assicuranzas – ina indemnisaziun da l'assicuranza tschernida. Quai l'argumentaziun da la FINMA.
Midada custass char
Comparis sez è adina sa dustà cunter questa valitaziun. L'onn passà ha la plattafurma anc refusà vehementamain dad esser ina intermediadra d'assicuranzas ed ha entant er annunzià da vulair recurrer cunter la decisiun da la FINMA. Comparis stuess numnadamain quintar cun custs, sch'ins stuess sa registrar. La FINMA ha gia pli baud annunzià da lura vulair trair en retroactiv ils gudogns fatgs or da fatschentas cun assicuranzas intermediadas dapi il 2015.