Siglir tar il cuntegn

Header

Navigaziun

Ruedi Baer è mort sonda en la vegliadetgna da 77 onns.
Legenda: Ruedi Baer è mort sonda en la vegliadetgna da 77 onns. Keystone
cuntegn

Interprendider/ex YB president Ruedi Baer è mort

Ruedi Baer, il confundatur dad Interdiscount e da las butias da Mobilezone sco era ex president dals Young Boys è mort. Sco sia famiglia ha communitgà, è Baer mort suprendentamain pervi d'ina sanganada dal tscharvè. El aveva 77 onns. Ruedi Baer è era stà 13 onns president dal club da ballape dals Young Boys. Cun Baer è YB daventà il 1986 campiun svizzer ed in onn pli tard victur da la cuppa svizra.

Ruedi Baer è naschì il 1942 a Turitg. Ils davos onns ha el vivì cun sia partenaria a Regensdorf. Ord sia emprima lètg ha Baer ina figlia ed in figl.

RR novitads 06:00