Il concern svizzer Conzzeta venda l’interpresa Mammut a la societad d’investiziuns englaisa «Telemos Capital». Telemos è sut la direcziun da Philippe Jacobs, ch’è era co-directur da la Jacobs Holding SA en Svizra.
L’interpresa Mammut è sa sviluppada dad ina firma da sugas – tar in producent d'artitgels da sport da muntogna e da vestgadira outdoor. Ella exista dapi bunamain 160 onns. L’onn passà a l’interpresa fatg ina svieuta da 218 milliuns francs.
Betg communitgà pretsch da vendita
Davart il pretsch da cumpra na datti naginas indicaziuns uffizialas. Quel reflecteschia dentant la posiziun ferma da Mammut, sco la marca da outdoor numer 1 dal mund, ha communitgà il concern Conzzeta. Resguardà saja era l’actualisaziun da la paletta da products, la digitalisaziun dal model da fatschenta e l’optimaziun dals custs.
