Siglir tar il cuntegn

Header

Chasa en construcziun.
Legenda: Ils emprims nov mais fan las interpresas da construcziun ina svieuta da 15,7 milliardas e per l'entir onn vegn quintà cun 21 milliardas francs. Keystone
cuntegn

Interpresas da construcziun Pli auta svieuta dapi 30 onns en in quartal

Las interpresas da construcziun svizras han fatg durant ils mais fanadur fin settember ina svieuta da 6,1 milliardas francs. Quai è la pli auta svieuta en in quartal dapi 30 onns. Ed uschia spetgan las interpresas che la svieuta totala da quest onn pudess surpassar il cunfin da 20 milliardas francs. Quai scriva la Societad svizra dals impressaris.

Il factur impurtant per quest svilup saja la construcziun d'abitaziuns. En il terz quartal 2019 è vegnì fatg là ina svieuta tranter 1,7 ed 1,8 milliardas francs. Ils impressaris quintan che la svieuta sa tschessa levamain, quai pervi da l'aura.

La construcziun d'abitaziuns haja pli probabel cuntanschì il zenit, manegia l'associaziun. E per l'auter onn spetgan ils impressaris anc ina giada in lev augment da la svieuta.

Ord l'archiv

Il boom da bajegiar en Svizra ha gia cumenzà il davos onn.

Video
Il boom da bajegiar en Svizra
Or da Nouvo RTR dals 09.06.2018.
laschar ir

RTR novitads 10:00