Las duas grondas fracziuns da la PPS e da la PLD han uschia pudì nizzegiar lur maioritad. Tenor la decisiun da la chombra gronda na duain sancziuns u multas en Svizra betg pudair vegnir deducidas da la taglia. Las multas en l'exteriur però bain. En auters pajais dettia multas cun in caracter plitost politic – uschia l’argumentaziun dals aderents.
Per la sanestra n’è questa argumentaziun però betg acceptabla. Uschia stoppian ils pajataglias pajar il quint per il cumportar illegal da bancas en l’exteriur.
La fatschenta va uss enavos en il Cussegl dals chantuns.
RR novitads 12:00