Il concern da tecnologia ABB avra a Houston en il Texas in nov labor per robotica medicinala. Là duajan experts da medischina, scienziads ed inschigners sviluppar roboters per diever betg-operativ en labors ed ospitals.
Tar quest «Health Care Hub» sa tractia da l'emprim implant da la ABB per far perscrutaziuns medicinalas. Uschenumnads roboters collaborativs vegnian gia duvrads en l'industria da mangiativas e bavrondas e sajan fitg adattads per instituziuns medicinalas, scriva l'interpresa.
Ils sistems sviluppads a Houston duain per exempel vegnir duvrads per far pli sveltas e segiras terapias da cancer. Per talas saja ozendi anc adina da far diever da tests manuals che dovran bler temp, declera l'interpresa.
RR novitads 11:00