Siglir tar il cuntegn

Header

cuntegn

Svizra Interpresas svizras èn puspè fittas

Las fatschentas pitschnas e mesaunas en Svizra èn puspè fittas. Tenor in studi da l'interpresa da cussegliaziun Deloitte sajan las transacziuns naziunalas creschidas l'emprima giada dapi il 2013.

L'onn 2017 han 201 fatschentas pitschnas e mesaunas fusiunà u surpiglià auters manaschis. Quai correspunda ad in augment da 5,2% cumpareglià cun l'onn 2016. Las pli bleras transacziuns hai dà l'onn 2013 cun 231 fusiuns u surpigliadas.

Sa revegnì dal schoc dal franc

Dapi il schoc dal franc svizzer avant trais onns sajan las interpresas pitschnas e mesaunas daventadas pli effizientas. I vegnia investì en l'innovaziun e la qualitad. Uschia sajan las interpresas era puspè ablas da concurrer, vegn scrit en il studi da Deloitte.

L'interess da fatschentas da l'exteriur per interpresas pitschnas e mesaunas svizras è restà constant. L'onn 2017 han 70 interpresas da l'exteriur fusiunà u surpiglià ina interpresa svizra. Quai è be ina dapli che l'onn avant.

RR novitads 12:00

Artitgels legids il pli savens