Il Cussegl federal vul dar anc in zic temp a l'economia per s'adattar a las consequenzas dal ferm franc svizzer. Actualmain pon las interpresas dumandar durant 2 onns indemnisaziuns per maximalmain 12 mais lavur curta. En l'avegnir èsi pussibel da far quai per 18 mais.
Midaments dal curs da stgomi valan sco motiv per lavur curta
La fin schaner 2015 aveva il Cussegl federal decidì che midaments dal curs da stgomi possian valair sco motiv per introducir lavur curta. En situaziuns economicas difficilas vala la lavur reducida sco med effizient per evitar che las fatschentas stritgian a curta vista plazzas da lavur. Emploiads ed interpresas profiteschian da quai, scriva il Cussegl federal.
RR novitads 14:00