Siglir tar il cuntegn

Header

cuntegn

Svizra Inundaziun a Wolhusen: l'aua tschessa plaunet

Grazia ad in rempar artifizial è la gronda massa d'aua a Wolhusen puspè currida giu. Ina bova da crappa aveva stagnà l'aua dal flum «Kleine Emme» en il vitg en il chantun Lucerna. Glindesdi a bun'ura era in grep da 5000 meters cubic crudà en il flum. Quel ha chaschuna gronds donns a Wolhusen.

Suenter ina bova la notg è il flum «Kleine Emme» ì sur la riva a Wolhusen en il chantun Lucerna. Las massas da crap da 5000 m3 avevan stuppà l'aua dal flum ed i aveva dà inundaziuns.

Cunzunt zona d'industria è pertutgada

Plirs bajetgs en la vischinanza da la bova èn vegnids donnegiads da glera e roma ch'èn sgulads fin a 200 meters tras l'aria. Surtut bajetgs industrials sco era intginas chasas d'abitar èn pertutgads da l'inundaziun. Las forzas d'intervenziun han eregì in rempar artifizial d'ina lunghezza da 25 meters e d'in'autezza d'in meter. En in mir han ellas fatg ina ruosna per che l'aua possia currer giu.

Blessads na datti betg, ha communitgà la polizia chantunala lucernaisa. Durant la notg era 20 persunas vegnidas evacuadas. Actualmain è la situaziun a Wolhusen sa calmada in pau.

La via tranter Wolhusen ed Entlebuch è bloccada e serrada, communitgescha Viasuisse.

Sin trais staziuns da trafo è l'electricitad crudada ora. Quant ditg che l'interrupziun duria n'è betg da dir, cunquai ch'ina staziun da trafo stat en l'aua.

Artitgels legids il pli savens

Scrollar a sanestra Scrollar a dretga