Siglir tar il cuntegn

Header

cuntegn

Investiziuns cultura Genevra investescha il pli bler

Sch'i va per la cultura en Svizra tutga la citad da Genevra tar quellas ch'investeschan ils pli blers daners. L'onn 2019 èn quai stads bun 312 milliuns francs. Quai mussan las cifras che l'Uffizi federal da statistica ha publitgà per l'emprima giada.

En general pon ins dir che la nova statistica cumprova quai che vegn gia daditg supponì. Numnadamain che las citads dattan or cleramain dapli daners per la cultura ch'ils chantuns u las vischnancas.

Tut en tut han las citads investì il 2019 bun ina milliarda francs per la cultura. Quai ch'è bunamain in terz da tut las investiziuns dal maun public per la cultura. La Confederaziun, ils chantuns e las vischnancas han impundì ensemen trais milliardas francs. En il chantun Grischun èn quai stads bun 34 milliuns francs.

Suenter Genevra sin plazza in, suonda Turitg sin plazza dus cun 219 milliuns francs, suandà da Basilea cun 193 milliuns. Guardà sin las expensas per chau maina er Genevra cun 1'537 francs, lura suonda dentant Basilea cun 1'115 francs davant Losanna cun 566 francs, pir lura vegn Turitg cun 525 francs per chau.

audio
Per tadlar curt e cumpact
aus RTR Audio vom 29.11.2021.
abspielen. Laufzeit 53 Sekunden.

RTR novitads 12:00

Artitgels legids il pli savens

Scrollar a sanestra Scrollar a dretga