Legenda:
La vignetta d'autostrada duai vegnir remplazzada cun il model da «mobility pricing».
Keystone
cuntegn
Svizra - Ir cun auto u cun tren d'uras da bler traffic duai custar dapli
Il principi è clers. Tgi che va cun auto u cun tren durant las uras da bler traffic duess pajar dapli. Il Cussegl federal vul realisar cun ils chantuns e cun las vischnancas interessadas in'emprova da pilot cun il model da «mobility pricing».
Cun il model da «mobility pricing» duai vegnir equilibrà l'utilisaziun da vias e trens durant il temp da travasch. Las capacitads duain uschia vegnir duvradas meglier ed ils temps da gronda fulla duajan uschia vegnir distgargiads.
La cussegliera federala Doris Leuthard ha ditg che ses departament examineschia la pussaivladad d'emprovas da pilot. Interess han annunzià ils chantuns Genevra, Tessin, Zug sco era las citads da Rapperswil e la regiun da Berna.
