Ils bigliets da tren vegnan pli chars a partir dal 2017. Il Cussegl federal ha numnadamain auzà sin quest termin il pretsch da trassé per ils trens sin ils binaris svizzers. Quels che dovra l’infrastructura ston uschia pajar a partir dal 2017 mintga onn 100 milliuns francs dapli.
L’augment dal pretsch dal trassé aveva il Cussegl federal gia annunzià l’onn passà, suenter ch’il suveran svizzer aveva acceptà il Conclus federal davart la finanziaziun e l’amplificaziun da l’infrastructura da viafier
Las viafiers vegnan ad adossar ils custs parzialmain a la clientella cun pli auts pretschs da bigliets ed abunament, uschia il Cussegl federal. Quant che l'augment da pretsch vegn ad importar na san ins dentant anc betg.
