L'emprim mez onn èsi vegnì importà marcantamain dapli velos en Svizra, quai cumpareglià cun l'onn avant. Dal schaner fin il zercladur èsi vegnì importà bun 200'000 velos dapli e tar ils e-bikes èn quai passa 110'000 dapli, sco quai ch'il post svizer da velos ed e-bikes communitgescha. Quai è in plus da 8,9% tar ils velos e 16,5% tar ils e-bikes. En l'export èn ids 37'000 e-bikes (+15,6%) e 35'000 velos (+29,6%).
Betg cler è anc sco la situaziun sa sviluppa vinavant. Intginas fabricas han gia stuì limitar lur producziun perquai ch'i dat stretgas da furnziun punctualas. I manca oravant tut parts dal velo che vegnan da l'Orient. Quai pervia da la pandemia.
Ord l'archiv
.