Siglir tar il cuntegn

Header

cuntegn

Islamissem en Svizra Dretgira d'appellaziun conferma sentenzia cunter Illi e Blancho

Dretgira d'appellaziun ha confermà la sentenzia dal Tribunal penal federal encunter Qaasim Illi e Nicolas Blancho dal Cussegl central islamic (IZRS). Il chasti ha la dretgira d'appellaziun però reducì.

Illi e Blancho èn stads avant dretgira per aviar cuntrafatg a la lescha dal scumond dad «Al-Kaida» ed il «Stadi islamic». Els èn declerads e confermads culpants d'avair derasà videos cun propaganda islamica en l'internet, respectiv d'als avair promovì.

La sentenzia n'è però anc betg definitiva – i dat anc la pussaivladad da recurs.

Confermà la stentenzia – reducì il chasti

La gievgia ha la dretgira sentenzià Quaasim Illi ad in chasti cundiziunà da 16 mais praschun pervi da la publicaziun da dus videos sin ils chanals dal IZRS. Ultra da quai ha Illi organisà ina sairada averta cun ils films. Nicolas Blancho è sentenzià ad in chasti da 270 taxas per di. Ses chasti è pli moderà, perquai ch'el ha reducì sia activitad sin promover ils videos.

Intervista cun in manader islamic

Tar ils films sa tracti d'ina vart in cun in'intervista cun Abdallah Al-Muhaysini, in supponì manader da l'organisaziun vischina a la Al-Kaida. Tenor la dretgira han ils dus sentenziads sustegnì ils videos e lur cuntegn senza resalvas, e n'hajan gì nagina tenuta u commentaris critics envers l'intervista cun Abdallah Al-Muhaysini. Taluisa hajan Illi e Blancho consentì als cuntegns da lez e surtut a l'appell al dschihad armà.

Ils 27 d'october aveva il Tribunal penal federal sentenzià cundiziunà: Quaasim Illi a 18 mais e Nicolas Blancho a 15 mais. L'autur dals videos era vegnì sentenzià il november 2020 dal Tribunal federal ad in chasti cundiziunà da 20 mais. Sia appellaziun è però anc pendenta tar il Tribunal europeic dals dretgs umans.

RTR novitads 17:00

Artitgels legids il pli savens

Scrollar a sanestra Scrollar a dretga