Siglir tar il cuntegn

Header

cuntegn

Svizra IWF vul anc pli bass tschains negativs

La Banca naziunala svizra po s’imaginar da sbassar anc pli fitg ses tschains negativs. Quai en vista ad in appel dal Fond monetar internaziunal IWF da sbassar ils tschains negativs. Il mument na vesa la Banca naziunala nagin basegn d’agir.

Logo da la Banca naziunala.
Legenda: La Banca naziunala na vesa il mument nagin basegn d'agir. Keystone

La Banca naziunala svizra aveva decis mez settember da mantegnair ses tschains negativs ch’èn cun in minus da 0,75% sin tschains per deposits tar la Banca naziunala svizra uschè bass sco èn nagin auter pajais cumparabel. Quai malgrà che l’economia svizra sa revegn puspè. Il Fond monetar internaziunal IWF recumonda uss en ses rapport da sbassar quest tschains negativ. En general vesan ils experts dal IWF dentant la Svizra sin ina buna via cun sia politica monetar.

IWF vesa potenzial da svilup per economic

L’economia svizra è fitg resistenta uschia ch’il schlantsch portia probabel in pli aut carschen economic che spetgà, scriva l’IWF. Fin uss quintavan ils experts cun 1,3% carschen economic. Uss han ils experts curregì il carschen sin 1,5%. A media vista prognostitgescha l’IWF in augment da 1,75%.

RR novitads 15:00

sda/ma

Artitgels legì il pli savens

Nach links scrollen Nach rechts scrollen