Siglir tar il cuntegn

Header

Jan-Egbert Sturm.
Legenda: Jan-Egbert Sturm, il manader dal KOF a Turitg, pretenda ina mesira da repartiziun cun ina taglia extraordinaria. Keystone
cuntegn

Jan-Egbert Sturm dal KOF Taglia extraordinaria per firmas ch'han profità da la crisa

Interpresas ch’hajan gudagnà durant la crisa da corona uschè bler sco anc mai, duessan pajar ina taglia supplementara. Quai propona Jan-Egbert Sturm, il manader da l’Institut da perscrutaziun da la conjunctura da l’ETH a Turitg tenor rapport dal «SonntagsBlick». Firmas che han per part profità da la crisa èn per exempel tscherts commerziants da victualias, concerns da farmazia e shops online.

Cun quests daners pudessan interpresas vegnir indemnisadas, ch’hajan patì ferm da la crisa. Ina tala repartiziun saja giustifitgada, perquai che cunzunt la casualitad haja decis, tge interpresas ch’hajan fatg dapli gudogn. Cumpareglià cun la crisa da finanzas, cura che la politica, bancas e l'economia hajan sezs fatg sbagls, sajan purschiders d'occurenzas u da viadis sco er manaschis da gastronomia e hotellaria vegnids senza atgna culpa en miserias finanzialas.

RTR novitads 10:00

Artitgels legids il pli savens

Scrollar a sanestra Scrollar a dretga