Siglir tar il cuntegn

Header

cuntegn

Svizra Jasmin Staiblin banduna Alpiq

La scheffa dal concern d'energia Alpiq, Jasmin Staiblin, bandunà sia funcziun sin la fin da l’onn. Quai suenter sis onns en l’interpresa. Las raschuns na sajan betg differenzas u dispitas, communitgescha la Alpiq. Ins n'haja gì insumma naginas differenzas strategicas. Staiblin saja vegnida tar l'Alpiq il 2013 per stabilisar il concern, ha ditg il pledader dad Alpiq Richard Rogers. Quai saja cuntanschì, uschia ch'i dovria ina fasa da consolidaziun.

Creà agen organ da controlla pervi da funcziun dubla

La direcziun operativa surpiglià il 2019 Jens Alder ch’è gia dapi il 2015 president d’administraziun da la Alpiq Holding. El vegn a tegnair omaduas funcziuns. Per evitar eventuals cunflicts d'interess creescha l'Alpiq in commite intern spezial: il Governance Committee. Quest organ da controlla vegn manà dal vicepresident dal cussegl d'administraziun Jean-Yves Pidoux.

RR novitads 20:00

Artitgels legids il pli savens