Siglir tar il cuntegn

Svizra Jastina Doreen Riederer è la pli bella Svizra

La Svizra ha elegì ina nova regina da bellezza: Jastina Doreen Riederer è nova miss Svizra.

La nova miss Svizra, Jastina Doreen Riederer.
Legenda: La nova miss Svizra, Jastina Doreen Riederer. Keystone

Suenter pli che dus onns ha la Svizra puspè ina miss. La sonda saira è Jastina Doreen Riederer daventada miss Svizra 2018. La giuvna da 19 onns da Spreitenbach en il chantun Argovia ha persvadì la schuria durant las quatter fasas da l'elecziun. Da professiun ès ella spezialista da commerzi en detagl. En la cursa per il titel eran en tut 11 dunnas giuvnas tranter 18 e 25 onns.

La davos'elecziun da la miss Svizra è stada il november 2015 – cun Lauriane Sallin sco victura. Silsuenter è l'occurrenza da miss Svizra vegnida en novs mauns.

RR novitads 06:00