Siglir tar il cuntegn

Header

Joseph Blatter auza ils mauns e mussa ils polischs.
Legenda: Il Vallesan da 79 onns, Joseph Blatter resta per 4 ulteriurs onns en uffizi. Keystone
cuntegn

Svizra «Jau vegn a surdar ina FIFA robusta e ferma»

Joseph Blatter, il vegl e nov president da la Federaziun internaziunala da ballape FIFA, ha annunzià da lavurar vi da la reputaziun da la federaziun. El quinta da pudair uschia surdar en 4 onns ina FIFA robusta e ferma.

Il Vallesan da 79 onns, Joseph Blatter resta per 4 ulteriurs onns en uffizi. Al congress da la FIFA a Turitg ha el malgrà il scandal da corrupziun cun l'arrestaziun da 7 funcziunaris la mesemna, pudì tegnair ses post sco president da la Federaziun internaziunala da ballape FIFA.

Ses cuntracandidat, il prinzi da la Jordania Ali bin al-Hussein ha numnadamain retratg sia candidatura suenter l'emprim scrutini: quai avend fatg 73 vuschs vers las 133 vuschs da Blatter. Necessari fissan stadas 139 vuschs en l'emprim scrutin.

Investigaziuns cuntinueschan

Entant cuntinueschan las investigaziuns pervi da corrupziun cunter auts funcziunaris da la FIFA. En l'Argentina ha la polizia internaziunala Interpol perquirì ulteriurs biros da la FIFA ed i dettia cumonds d'arrest cunter 3 persunas, rapporta l'agentura da novitads Reuters. Ed a New York han ils investigaders confermà a la gasetta Times ch'i vegnian ad arrestar ulteriuras persunas. Detagls n'hani però betg tradì.

Tenor ils Stadis Unids duain passa 150 milliuns dollars daners da corrupziun esser culads ils ultims 25 onns.

RR novitads 10:00

Artitgels legids il pli savens

Scrollar a sanestra Scrollar a dretga