Siglir tar il cuntegn

Header

cuntegn

Svizra «Jau vi ma stgisar tar tut ils umans en Svizra»

Il schef da l'armada Philippe Rebord ha concedì en la «Samstagsrundschau» da radio SRF sbagls morals.

La cultura da spesas crititgada existia dapi onns en l'armada ha concedì il schef da l'armada en il discurs al radio. L'effect extern da lur pratica da spesas n'hajan ils responsabels betg mess en dumonda avunda.

Da punct da vista dal dretg penal u disciplinaric na possian ins betg far renfatschas a l'armada, da punct da vista moralic dentant bain. Rebord concedia, ch'el n'haja persunalmain betg gì avunda distanza tar la dumonda:

Jau vi ma stgisar tar tut ils umans en Svizra, che spetgan cun raschun che nus hajan tgira dals daners da taglia.
Autur: Philippe Rebord schef da l'Armada svizra

Il glindesdi passà aveva il «Tages-Anzeiger» rapportà d'abus da spesas tar l'armada – uschia sajan per exempel vegnids envidads ils partenaris da militars impurtants ad occurrenzas militaras e vegnids sgulads nà cun helicopters da l'armada.

RR novitads 14:00

Artitgels legids il pli savens