Ils patratgs pon vegnir scrits direct sin la gronda surfatscha alva dal placat. Els pon dentant era vegnir communitgads online via la pagina d'internet «jesus-ist.ch». Blers placats èn schon scrivlads pulit cun patratgs sco «... noss salvament», «... pasch», «... mia speranza», «... inexistent», «... naiv da stersas», etc.
Campagna dal comité d’acziun «Christen Schweiz»
Lantschà la campagna da placats ha il Comité d'acziun Christen Schweiz. In'acziun communabla da las baselgias catolicas, refurmadas e libras. Curt avant Pasca cura ch'il cristianissem celebrescha sia levada, duai la populaziun discurrer sur dad el. Era sche nus celebrain el decurs da l'onn numerus firads en connex cun Jesus, propi savair tgi ch'el è sappian el temp dad oz be paucs. Quai era in patratg da la campagna communabla da las baselgias naziunalas e libras «Jesus ist ...».