Siglir tar il cuntegn

Header

cuntegn

Jets da cumbat Confederaziun envida a segunda runda d'offertas

Armasuisse haja surdà la segunda dumonda per offertas als producents d'aviuns, quai ha communitgà il Departament federal da defensiun VBS. Tant las dumondas per novs aviuns da cumbat sco era las dumondas per in nov sistem da defensiun cunter aviuns.

36 fin 40 aviuns

Entant ha la Confederaziun limità il dumber d'aviuns: Ella vul savair il pretsch per 36 fin 40 aviuns. Quai sco punct da partenza per pudair contractar en detagl cun ils candidats suenter ch'els èn sa decidids per in tip d'aviun, scriva il VBS. Tar l'emprima offerta ha la Confederaziun tschentà la dumonda per 30 e per 40 aviuns.

En la segunda runda vul Armasuisse plinavant avair in'offerta – e betg be ina proposta per ina collavuraziun da las forzas militaras, las autoritads d'acquisiziun da la Svizra ed il pajais dal producent. Er pertutgant las fatschentas da cumpensaziun duai la segunda offerta esser pli concreta.

Quatter producents anc en la cursa

Tut ils quatter producents ch'èn stads da la partida en l'emprima runda, fan anc adina part da la segunda runda. La stad passada han els testà lur aviuns en il spazi d'aria da la Svizra.

Quai èn ils quatter candidats:

  • L'aviun che renda invisibel, F-35 da Lockheed Martin
  • La F/A-18 Super Hornet da Boeing
  • Il Rafale dal producent franzos Dassault
  • L'Airbus Eurofighter da la Germania

Il Gripen è crudà or da la selecziun, suenter ch'il producent Saab n'era betg sa participà als tests da sgular da la stad passada.

RTR novitads 21:00

Artitgels legids il pli savens