Siglir tar il cuntegn

Svizra Johann Schneider Ammann turna da l'Africa

La visita da Johann Schneider Ammann en l'Africa va la dumengia a fin. Quai cun duas cunvegnas bilateralas.

Johann Schneider Ammann.
Legenda: Avant 17 onns ha il davos cusseglier federal visità l'Africa dil vest per ina missiun economica. Keystone
  • Johann Schneider Ammann ha visita l'Africa durant quatter dis.
  • El ha suttascrit dus cunvegnas cun la Costa d'Ivur. Quellas tangheschan la collavuraziun en il sectur da professiun.

Durant la visita dal cusseglier federal Johann Schneider Ammann en l'Africa han ils ministers d'economia suttascrit duas cunvegnas che tangheschan la collavuraziun en il sectur da professiun cun la Costa d'Ivur.

Ina collavuraziun cun la la Costa d'Ivur en ils secturs da perscrutaziun e scienza saja gia dapi 60 onns existenta, ha il departament federal d'economia, furmaziun e retschertga communitgà la dumengia. La Svizra è represchentada en la Costa d’Ivur cun passa 30 firmas e vala là sco in dals investiders ils pli impurtants.

La davosa giada avant 17 onns

Johann Schneider Ammann è vegnì accumpagnà da plirs delegads da l'economia e da la scienza, sco er da parlamentaris e cussegliers guvernativs. La delegaziun è stada duas dis en la Nigeria e dus dis a la Costa d'Ivur.

La davos visita d'in cusseglier federal en il territori vest african en connex cun ina missiun economica è stada avant 17 onns.

RR novitads 12:00