Il president da la Confederaziun, Johann Schneider-Ammann, ha preschentà a Teheran in plan per ina collavuraziun pli stretga cun l'Iran. Quai en preschientscha dal president iranais Hassan Ruhani.
In plan da 13 puncts prevesa tranter auter d'intensivar ils discurs bilaterals sin tut ils champs. Plinavant duai ina cunvegna da commerzi dal 2005 finalmain vegnir ratifitgada.
Ultra da quai duai la societad aviatica Iran Air examinar ina colliaziun da sgol tranter la chapitala Teheran e Genevra.
RR novitads 09:00
