Sch'ils tschains avessan da crescher, ubain ils pretschs d'immobiglias avessan da sa sbassar, lura stoppian tuts pudair finanziar ils credits ed objects, di Jordan en la gasetta «Schweiz am Sonntag».
Tschains han cuntanschì il fund
Ils tschains negativs per las bancas sajan bain in bun instrument cunter il ferm franc svizzer, quel favuriseschia però era ipotecas bassas. Schebain la Banca naziunala svizra rinforzia anc ina giada ils tschains negativs, dependia dal svilup internaziunal.
Jordan quinta dentant il mument plitost ch'ils tschains hajan cuntanschì il limit minimal, pia il fund en l'Europa ed en ils Stadis Unids da l'America e che la tendenza vegnia plitost ad ir ensi cun il temp.
RR novitads 11:00