Legenda:
Repetidamain ha il president dal directori da la Banca naziunala Svizra gì da giustifitgar la mesira dispitavila sco qua ils 15 da schaner 2015.
Keystone
cuntegn
Svizra - Jordan: «Igl è stà gist d'abolir il curs minimal»
Per il president da la banca naziunala Thomas Jordan èsi cler ch'igl è stà gist dad abolir il curs minimal da l'euro. Quai ha el ditg a la Samstagsrundschau dal radio SRF.
I saja stà ina decisiun en l'interess da l'entira Svizra. A l'entschatta temev'ins ina gronda recessiun, ina dischoccupaziun en massa e ina deflaziun ferma. Quai na saja betg capità. Suenter l'aboliziun dal curs minimal era l'euro - qua e là - al pari cun il franc svizzer. Dapi l'avust vala el puspè 1 franc 08 circa.
