Etienne Jornaud resta president dal cussegl d'administraziun dal concern da farmazia Galenica. La fin d’emna era el er vegnì confermà sco president da la "Neue Zürcher Zeitung" malgrà la resistenza.
L’interpresa Galenica duai vegnir spartida en duas gruppas. Per segirar che questa strategia vegnia realisada sajan ins sa cunvegnids cun Jornod davart in nov contract, quai communitgescha il concern. L'avust passà aveva Galenica annunzià da divider las duas domenas da fatschenta farmazia e commerzi da medicaments e d'ir cun quellas a la bursa.
