Siglir tar il cuntegn
Inhalt

Svizra Ju-Air vul puspè sgular mez avust

Suenter ch'ina Ju-52 è crudada giu al Piz Segnas sur Flem, vul la societad aviatica puspè sgular davent dals 17 d'avust.

Purtret d'ina Ju-52.
Legenda: Il traffic aviatic a Dübendorf duai puspè cumenzar ils 17 d'avust. Dentant be sch'i na dat naginas resalvas pervi da la segirezza. Keystone

Ils dus aviuns restants dal tip Ju-52 duain puspè sgular, e quai gia l'avust. Quai ha ditg il pledader da la societad aviatica Ju-Air, Christian Gartmann envers Radio SRF. La Ju-Air aveva suspendì il traffic suenter che la «Tante Ju» era crudada giu al Piz Segnas sur Flem.

Nus partin dal fatg che nus na pudain betg sgular enfin ils 16 d'avust, a partir da venderdi ils 17 d'avust vulain nus dentant puspè cuntinuar cun il traffic.
Autur: Christian GartmannPledader da Ju-Air

L'entschatta avevi gì num che la Ju-Air vegnia pir puspè a sgular cun lur aviuns istorics, cura ch'i hajan dapli enconuschientschas davart la crudada da l'aviun. Uss vul la societad aviatica cumenzar a sgular gia duas emnas suenter l'incident tragic cun 20 morts, dentant be sch'i na dettia enfin là nagins segns da dumonda quai che pertutga la segirezza dal traffic aviatic, ha precisà Gartmann.

In aviun istoric da la Ju-Air – er enconuschent sut il num «Tante Ju» – era crudà giu sonda al Piz Segnas sur Flem. Da la crudada eran tut ils 17 passagiers ed ils 3 commembers da l'equipa morts. Las lavurs da salvament cuzzan anc.

RR novitads 14:00