Svizra - Jugis, campadis ed abitaziuns da vacanzas daventan pli popularas
La parahotellaria ha dumbrà dapli pernottaziuns durant l'emprim quartal dal 2018. Davent dal schaner fin il mars ha la parahotellaria dumbrà 4,9 milliuns pernottaziuns, radund 200'000 dapli che durant il medem temp da l'onn passà. Quai mussan las novas cifras da l'Uffizi federal per statistica.
La gronda part dals giasts, radund 69% da las pernottaziuns, vegnan ord la Svizra sezza. 3,4 milliuns da las pernottaziuns crodan sin abitaziuns da vacanzas, 2,2 milliuns da quellas vegnan da Svizzers. Tar jugis è il dumber tar 1,4 milliuns pernottaziuns ed 1,1 da quellas da Svizzers. Ed era tar ils campadis è la cumpart svizra gronda. Da 96'000 pernottaziuns èn 63'000 da Svizzers.