La banca Julius Bär è sa cunvegnida cun ils Stadis Unids en la dispita da taglia. Ella haja serrà giu cun il ministeri da giustia american ina cunvegna, ha communitgà la banca privata questa notg. Per sa cumprar liber d'ina procedura sto Julius Bär pajar ina multa da 547,25 milliuns dollars.
Er la FINMA ha investigà cunter Julius Bär
Era la notg ha communitgà la FINMA, la Surveglianza federala dals martgads da finanzas, ch'ella haja instradà avant 6 onns ina procedura penala cunter la banca Julius Bär en connex cun las fatschentas cun clients americans. Perquai che la banca ha realisà las mesiras pretendidas, ha la FINMA terminà la procedura avant 4 onns.
RR novitads 06:00
