Siglir tar il cuntegn

Header

cuntegn

Juso ha inoltrà iniziativa Tgi che erta milliuns – duai pajar dapli taglia

Tgi che erta milliuns – duai pajar dapli taglia. Quai pretenda ina iniziativa dals Giuvens socialists svizzers. La partida ha inoltrà sia iniziativa «per ina politica dal clima sociala – finanziada da taglias gistas».

L'iniziativa pretenda che tgi che erta dapli che 50 milliuns francs sto pajair 50% taglia sin la summa. Per iertas sut 50 milliuns na duai la taglia betg valair. Las entradas supplementaras duain vegnir duvradas per proteger il clima e per ina economia pli ecologica. L'iniziativa ha la Juso inoltrà la gievgia a Berna cun passa 140'000 suttascripziuns, sco la partida ha communitgà.

Entradas da 6 milliardas francs ad onn

Quintà vegn cun entradas da radund 6 milliardas francs ad onn. Duvrar pudess'ins quests daners per l’extensiun d’energias regenerablas, per programs da rescolaziun per persunas che lavuran en secturs che donnegian il clima e per ina extensiun massiva dal traffic public.

La dumonda dal pievel vegn sustegnida da la PS e dals Verds. Dal comité fan part il co-presidi da la PS sco er las cusseglieras naziunalas dals Verds Léonore Porchet (VD) e Katharina Prelicz-Huber (ZH).

RTR novitads 17:00;

Artitgels legids il pli savens