Tgi che ha in problem cun la Kesb, l'autoritad per la protecziun da l'uffant e da creschids, po sa drizzar dapi dus onns a Kescha, il Post da consultaziun independent da la protecziun d'uffants e creschids.
Ils 2018 ha Kescha tractà 1'100 da questas dumondas e laschà examinar quellas da l'universitad da Friburg. Il post indpendent vegn tar las suandantas conclusiuns: Pli savegns duain privatas or dal conturn dals pertutgads e betg procuraturs professiunals gidar a persunas creschidas, sch'ellas dovran sustegn. Vitiers recumonda la Kescha d'esser pli precauts tar las annunzias da periclitaziun.
Annunzias da periclitaziun betg adina giustifitgadas
Annunzias da periclitaziun vegnan fatgas tar la Kesb er sco consequenza da conflicts da pèrs e betg mo pervi da violenza psichica u sexuala. Inditgadas èn annunzias da periclitaziun, sch'il bainstar d'in uffant è periclità tenor puncts concrets d'ina glista da controlla. Na saja in uffant betg directamain periclità, sajan da prender autras mesiras da protecziun, scriva Kescha. Quai possian esser discurs ubain la consultaziun d'in ulteriur post spezialisà. Latiers ha Kescha elavurà in mussavia.
RR novitads 12:00