KOF: Barometer mussa ensi

L'economia en Svizra para da sa revegnir pli e pli dal schoc dal franc - surtut l'industria ed il sectur da finanzas.

Plazzal dal Paradeplatz, Turitg. Bild in Lightbox öffnen.

Legenda da maletgs: Il sectur da finanzas e l'industria paran da sa revegnir dal schoc dal franc. Keystone

Durant il matg èn las prognosas per l'economia svizra sa scleridas levamain. Quai scriva il KOF, il post da conjunctura da l'ETH a Turitg. Il barometer da conjunctura dal KOF dal matg è creschì per 0,3 puncts sin 102,9 puncts cumpareglià cun l'avrigl.

Ils signals positivs sajan vegnids da l'industria e da la branscha da finanzas. Quai malgrà ch'ils indicaturs da consum hajan signalisà ina tendenza negativa.

Ils analists avevan oriundamain quintà che l'index creschia sin 102,8 puncts. Quai sin basa da las datas da l'avrigl.

RR novitads 12:00