Er il martgà da lavur sa revegn, scrivan ils experts dal KOF da l’ETH Turitg. Las cundiziuns da basa per l’economia sa revegnian pli e pli. Tuttina saja l’industria pertutgada pli fitg dal ferm franc svizzer che quintà, scriva il KOF. Anc mender vai sulet en il sectur da bancas, scriva il post da conjunctura dal KOF.
Cumpareglià cun il mais avust mussa il barometer da conjunctura in plus da 1,6 puncts ed è il mument tar 101,3 puncts. Entras in creschament mediocher a lunga vista sajan las perspectivas stabilas e consistentas. Quai conferma er l'institut da perscrutaziun da la conjunctura da l'ETH Turitg. Ils pli ferms impuls positivs vegnan da l'industria elavuranta e dal consum. Stabilas sajan er las perspectivas per las bancas e per la branscha da turissem, sco era la valitaziun futura da l'economia internaziunala.
RR novitads 11:00