Il KOF, l’institut da perscrutaziun da la conjunctura da l’ETH Turitg, quinta cun in curta recessiun en Svizra. Quella duai dentant gia esser surmuntada la segunda mesadad dal onn. Per quest onn quinta il KOF cun in creschament dal product naziunal brut da 0,4%.
Quest augment moderà saja ina consequenza dal ferm franc svizzer e dal modest svilup economic global, scriva il KOF. Il svilup economic en l’Europa vesi perencunter ora meglier uschia ch’il product naziunal brut svizzer pudessi crescher il 2016 per 1,3%. Vinavant scriva il KOF che la dischoccuppaziun pudessi crescher, dentant cuntinueschia il regress dals pretschs.
