Siglir tar il cuntegn

Header

Stanza da la moschea a Kriens.
Legenda: L’imam, che ha appellà da disciplinar dunnas, na dastga per il mument betg lavurar en la moschea Dar-Assalam a Kriens. En il chantun Lucerna vivan radund 20'000 muslims. Keystone
cuntegn

Kriens Moschea Dar-Assalam ha dispensà imam

L’imam che ha appellà da disciplinar dunnas, na dastga per il mument betg lavurar en la moschea Dar-Assalam a Kriens.

La moschea Dar-Assalam a Kriens, a Lucerna, ha dispensà l’imam. L’um da 38 onns aveva appellà da disciplinar dunnas. L’entschatta d'avust duai l’imam da l’Irak avair cusseglià a cartents durant l’uraziun dal venderdi da chastiar lur dunnas. Sche naginas autras mesiras, sco discurrer u bandunar il letg matrimonial gidian, lura saja da disciplinar las dunnas cun levas fridas.

La procura publica da Lucerna aveva sinaquai cumenzà ina inquisiziun cunter l’imam. La moschea Dar-Assalam ha declerà en ina communicaziun, ch’ella respectia la constituziun Svizra. I vala la presumziun d’innocenza.

Ord l'archiv

Muslims liberals s'engaschan en Svizra per in islam moderà, per ina moschea averta per tuts e tuttas.

La finiziun dal mais da gigina Ramadan festiveschan las muslimas ed ils muslims cun la festa «Eid al Fitr». La festa cuzza plirs dis e tradiziunalmain vegnan magliadas tratgas da tuttas sorts. Savens era spaisas dultschas..

RR novitads 12:00