Il concern da logistica svizzer Kühne+Nagel ha transportà dapli vitgira ed era augmentà las cifras ils emprims nov mais da l'onn. La svieuta è creschida per 10,4% cumpareglià cun l'onn passà sin 131,5 milliardas francs, sco Kühne+Nagel scriva. Era il gudogn è s'augmentà per 7 milliuns sin 540 milliuns francs.
Creschì il pli fitg è Kühne e Nagel cun transportar vitgira tras l'aria, l'augment munta a 19% dal volumen. La vitgira maritima è creschida per 8% e tar ils transports sin via è il retgav brut s'augmentà per 4,6%.
RR novitads 08:00