Svizra - Kuoni: Ulf Berg nominà sco president dal cussegl d’administraziun
L’anteriur schef da Sulzer Ulf Berg duai daventar president dal cussegl d’administraziun da Kuoni. El succediss uschia a Heinz Karrer che banduna Kuoni suenter la surpigliada tras la societad da participaziun svedaisa EQT, quai communitgescha l’interpresa EQT.
L’anteriur schef da Sulzer Ulf Berg duai daventar president dal cussegl d’administraziun da Kuoni e succeder a Haiz Karrer. Ils acziunaris da Kuoni ston però anc approvar la nominaziun a la radunanza extraordinaria planisada l’entschatta da matg. Ulf Berg ha era in connex cun il Grischun, actualmain è el president dal cussegl d’administraziun da la gruppa Ems.
