L'organisatur da viadis svizzer, Kuoni ha chattà in cumprader per sia fatschenta da viadis en l'Europa. Tenor ina communicaziun surpiglia il concern turistic tudestg Rewe e sia sparta «DER Touristik».
Rewe surpiglia ils biros da viadi e la distribuziun online en ils martgads Svizra, Gronda Britannia, Scandinavia/Finlanda e Benelux. La Rewe Group surpiglia tut ils radund 2'350 collavuraturs da Kuoni. Davart il pretsch da cumpra na vegn communitgà nagut.
Il schaner aveva la Kuoni Group annunzià da vulair sa concentrar sin l'industria da viadis globala.
