Il davos film che Hans Heinz Moser ha giugà è stà «Grounding – ils davos dis da la Swissair». Enconuschent è el vegnì sco patriarch da la Soap svizra “Lüthi und Blanc» e sco “Wachtmeister Studer». Sco sia vischnanca da domicil Glattfelden conferma, saja il Bernais gia mort ils 5 d'avrigl.
Success entras la rolla da «Wachtmeister Studer»
Ils emprims pass en il mund da film e teater ha Hans Heinz Moser fatg en la cumedia a Basilea. Ils onns tschuncanta ha el absolvì ina scolaziun d’acturs ed è stà engaschà tar differentas preschentaziuns sin tribunas en Svizra ed en Germania.
Grond success ha Moser gì cun la rolla sco Wachtmeister Studer en differents films criminals da Friedrich Glauser. Dapi l’onn 1999 giugava l’actur il possessur da la fabrica da tschigulatta Jean-Jacques Blanc.
RR actualitad 12:00