Siglir tar il cuntegn
Inhalt

Svizra L’affera da l’AutoDaPosta ha diminuì il gudogn da la Posta

Il gudogn è sa reducì l'onn passà per 138 milliuns - sin 420 milliuns francs, quai communitgescha la Posta.

Urs Schwaller, president dal cussegl d'administraziun e Susanne Ruoff, scheffa da la Posta la gievgia avant las medias.
Legenda: Urs Schwaller, president dal cussegl d'administraziun e Susanne Ruoff, scheffa da la Posta la gievgia avant las medias. Keystone

La raschun per il resultat pli modest sajan ils 78 milliuns francs ch'ins haja stuì pajar enavos en connex cun las praticas illegalas da l’AutoDaPosta. Era reservas da 50 milliuns che la Posta ha fatg diminueschian il gudogn.

En sia fatschenta da coc po la Posta però preschentar in gudogn.

Urs Schwaller less stgaffir transparenza

Sper la preschentaziun da las cifras ha il president dal cussegl d'administraziun Urs Schwaller accentuà ch'el veglia transparenza totala tar l'affera da l'AutoDaPosta SA. El ha annunzià che trais experts externs vegnian a garantir che las inquisiziuns lantschadas da la Posta vegnian fatgas cun pli gronda independenza.

RR novitads 10:00