Zuppiger saja mort oz en damaun baud. Sia famiglia ha confermà ch'el saja mort pervi da problems cun il cor. Ils 24 da favrer avess Zuppiger pudì festivar ses 64avel anniversari.
13 onns en il Cussegl naziunal
Dal 1999 enfin ils 10 da settember 2012 è Zuppiger stà commember dal Cussegl naziunal. L'onn 2011 era el stà nominà da la PPS - ensemen cun Jean-François Rime - sco candidat per las elecziuns dal Cussegl federal. El aveva dentant retratg sia candidatura pervi d'ina affera d'ierta. Sco i para aveva Zuppiger defraudà daners d'ina collavuratura trapassada. Per quest delict era el vegnì sentenzià ad in chasti cundiziunà da 13 mais. Curt suenter è el era sa retratg sco president da l'Uniun svizra d'artisanadi e mastergn. Il settember è Zuppiger la finala er sa retratg dal Cussegl naziunal.
RR novitads 14:00