Sco il departament federal da defensiun communitgescha sajan l’onn passà 767 schuldads vegnids sustegnids dal servetsch social da l’armada. Quai var dus tozzels dapli che l’onn passà. Dus terzs dals daners pajads ora èn ids a recruts. Sco l’armada scriva sajan vegnids pajads l’onn passà en tut 1,176 milliuns francs, da quai 0,96 milliuns a recruts. En 973 cas èn ils schuldads vegnids sustegnids cun cussegliaziun e assistenza. Il servetsch social da l’armada sustegn er pazients militars ch’èn vegnids en difficultads finanzialas tras accidents e malsognas. L’onn passà han 45 pazients militars ni lur famiglias survegni sustegn d’ina autezza da 340’000 francs. Il 2014 eran quai anc 39 pazients ch’avevan survegni in sustegn da radund 333’000 francs.
RR novitads 17:00