Siglir tar il cuntegn

Header

video
Purtret da Gottfried Honegger
Or da RTR dals 01.06.1997.
laschar ir
cuntegn

Svizra L’artist Gottfried Honegger è mort

Il sculptur e pictur-artist svizzer, Gottfried Honegger, è mort. Sco sia tgirunza ha communitgà saja Honegger mort a chasa en la vegliadetgna da 98 onns. Ina part da sia uffanza aveva Honegger passentà a Sent.

video
On doit construire le monde - l'artist Gottfried Honegger
Or da Cuntrasts dals 26.08.2012.
laschar ir

Sia entira vita è Honegger sta fitg engaschà per l’art. A chaschun da ses anniversari da 95 onns è sai autobiografia cun il titel «34699» vegnida edida. La cifra muntava il dumber da dis vivids enfin là. Anc 1000 dis èn vegnids vitiers. Sco sia tgirunza ha communitgà è Honegger uss mort a chasa en l’auta vegliadetgna da 98 onns.

Honegger ed ils lioms cun il Grischun

Naschi è Honegger a Turitg il 1917 e cun la citad d’origin era el collia stretg. Ma el aveva era stretgs lioms cun il Grischun. Sia mamma Georgina Margadant era oriunda da Sent e Honegger numna l’Engiadina sia «patria interna». La picturia dal artist Giovanni Segantini era medemamain sia prima experientscha cun l’art, scriva la gasetta «Neue Zürcher Zeitung». Er è el vegni inspirà dal art popular en l’Engiadina, sco da scraffitis sin las chasas engiadinaisas ma er dals costums tipics engiadinais.

Sent stat per la picturia e per sculpturas ed en spezial er per l’invenziun da Honegger il «tableau relief», scriva l’NZZ. Dal 1953 enfin il 1958 ha el pictura en il tschaler en la giassa dasper baselgia vid l’ovra da l’emprima perioda creativa ch’è restada per gronda part nunenconuschenta. Tranter auter aveva el creà l'installaziun cun il titel «colur» sin il mir da fermada da Malögia/Salecina. A partir dal 1960 è Honegger sa chasa a Paris saia terza patria. Qua ha el creà fanestras da vaider en catedralas ed è vegnì undrà cun il 1985 cun il «Chevalier de l'Ordre des Arts e des Lettres». Il 1987 alura cun il premi d'art da la citad d’origin Turitg.

Architectura ed art èn qua per construir ina meglra societad.
Autur: Gottfried Honeggerartist

RR novitads 18:00

Artitgels legids il pli savens

Scrollar a sanestra Scrollar a dretga