Siglir tar il cuntegn

Header

Bandieras pendan avant la sedia principala da l’assicuranza Zurich.
Legenda: L'assicuranza Zurich ha nudà il 4. quartal in minus da record. Keystone
cuntegn

Svizra L'assicuranza Zurich cun in minus da 100 milliuns dollars

Il quart quartal dal 2015 ha l'assicuranza Zurich nudà ina perdita da manaschi da 100 milliuns dollars. La raschun principala sajan donns tras catastrofas natiralas.

Il minus saja cunzunt tar l’assicuranza da donns nua che las catastrofas natiralas vegnian segiradas, scriva Zurich en ina communicaziun. Surtut ils stemprads e las inundaziuns dal ultim temp en la Gronda Britannia e l’Irlanda hajan chaschunà donns ed uschia ers gronds custs. Ultra da quai spetga l’assicuranza custs supplementars en consequenza da las mesiras da spargn d’ina autezza da 475 milliuns dollars e rectificaziuns da valur per la fatschenta d’assicuranzas da vita en Germania d’ina autezza da 230 milliuns dollars. Per l’entir 2015 quinta l’assicuranza Zurich cun ina cumulaziun dals custs dals donns da sur 275 milliuns dollars. Per ils dus ulteriurs secturs da l’assicuranza Zurich quintan ils experts ch’ils resultats sajan sco spetgads.

RR novitads 10:00

Artitgels legids il pli savens

Scrollar a sanestra Scrollar a dretga