Siglir tar il cuntegn

Header

cuntegn

Svizra L’assistenza al suicidi adina damain in tabu

Adina dapli Svizzers e Svizras sa decidan da sa laschar gidar per murir. L'onn 2015 han 999 persunas cun domicil en Svizra fatg suicidi assistì.

Quai sajan in terz dapli che l'onn avant - scriva la NZZ da la dumengia e sa basa sin cifras da las trais grondas organisaziuns per l'assistenza al suicidi. E cumpareglià cun l’onn 2008 è il dumber da suicidis assistids stà l’onn passà quatter giadas pli aut.

La societad sa mida

La gasetta citescha in medi che fa perscrutaziuns sin quest champ - che quai saja probablamain pir il cumenzament d'in svilup. L’augment dals cas saja in spievel d’ina midada da valurs entaifer la societad.

Adina damain scrupels

Critica d’in teolog datti en vista a l’auta muntada che l’uschenumnada autodeterminaziun haja, la pussaivladad da decider sez davart vita e mort. Las retegnientschas da far suicidi giajan a perder. Adina dapli persunas che na sajan betg sin puntg da mort veglian decider sezzas davart lur mort.

RR novitads 06:00

Artitgels legids il pli savens